【有片】勁到曉飛！沙拿表演輕功水上飄

利物浦前鋒穆罕默德沙拿被視為當今最佳前鋒之一，好波就唔使多講，勢估唔到呢位埃及球王勁到曉飛！沙拿日前喺社交網貼片，影片入面佢先全將個歐聯足球抽入一個湖中間，之後就極速衝落個湖，但沙拿竟然快到可以喺水面奔馳，跑到水花四濺，十足十《少林足球》入面輕功水上飄！雖然呢個係adidas嘅宣傳片，不過球迷留言繼續當佢神咁拜。

另外，曼聯名宿加利尼維利早前預測，穆罕默德沙拿會喺不久將來離開利物浦，沙拿就公開回應：「我喺利物浦好開心，我喺呢個城市好開心，我愛球迷，球迷都愛我，所以我好開心繼續留隊。」

立即參加「賞您睇」：http://bit.ly/2JWKULh　

Click下面粒掣，儲on.cc coins！機票、家電、超市禮券、過萬份獎品等緊你。