【有片】武磊玩晒　愛斯賓奴反勝全靠佢

周五(23日)凌晨歐霸盃附加賽首回合，愛斯賓奴嘅中國前鋒武磊表現光芒四射，包括妙傳隊友入波、博到12碼，自己亦有1次頭槌攻門中楣，最終以3:1反勝索爾亞。

愛斯賓奴主場出擊，但卻先失波，上半場落後0:1，換邊之後，武磊大發神威，51分鐘迎頂角球，可惜中楣，呢次攻門令球隊士氣大振，轉個頭就由法古度費雷拉射入扳平。

踢到76分鐘，武磊右路傳中，省中禁區內對手嘅手部，球證直吹12碼，但格尼路主射宴客，浪費武磊一番心機，好彩之後由查維亞盧比斯射入反超前1球。

去到81分鐘，武磊個人表演，帶波突破之後，妙傳馬迪亞斯華加斯射入世界波，亦係武磊喺歐洲賽首個助攻，佢加盟愛斯賓奴以來，已經貢獻3次助攻，其中2次係西甲，可見「武球王」射得又傳得。

立即參加「賞您睇」：https://tinyurl.com/yxa3a8z8　

Click下面粒掣，儲on.cc coins！機票、家電、超市禮券、過萬份獎品等緊你。