VVD續約加人工 都係得咁多咋?

2019年08月24日 08:00
東網電視
更多新聞短片
(Getty Images)

雖然只係利物浦第3隊長,但華基爾雲迪積克對紅軍有幾重要,真係盲都睇到。自2018年1月加盟之後,紅軍防線脫胎換骨,上季迫到曼城有氣冇碇抖成英超史上最強亞軍,之後更帶領利物浦勇奪歐聯錦標。紅軍將同VVD續約,雖然會加佢1倍人工,但都只係25萬鎊咋!

雖然全球最高身價後衞身份,被哈利馬古尼取代,但VVD近年被封全球最強中堅,更成為今屆金球獎大熱得獎人選,VVD峰頭不單勁過隊長佐敦軒達臣,比穆罕默德沙拿、沙迪奧文尼同羅拔圖法明奴都有過之而無不及。

利物浦今夏冇買球星,就係希望將手上金錢回饋一班歐聯奪標功臣,球隊好多球星已經續約,依家終於輪到VVD。VVD加盟利物浦,周薪為12.5萬鎊,依家利物浦希望加佢1倍人工遊說呢名荷蘭隊長續約,因為喺紅軍踢得開心,預料VVD好大機會留隊,周薪25萬鎊堅係抵到爛,只係A山一半咋,利記高層真係瞓着都笑醒!

立即參加「賞您睇」: https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。