【師徒對決】高普爆奧巴美揚最致命弱點！

利物浦周六(24號)深夜主場鬥阿仙奴，「紅軍」領隊高普對阿仙奴射手奧巴美揚瞭如指掌，事關呢位加蓬射手2013年加盟多蒙特，就係由當時仲教緊多蒙特嘅高普一手提攜，將佢打造成歐洲頂尖前鋒。今勻師徒對決，高普賽前就話奧巴美揚有個最大弱點，包你聽到O晒咀！

高普表示：「我上次同奧巴美揚合作已經係4年前，到目前為至我哋每次對住阿仙奴，都可以守到奧巴美揚，不過以佢嘅速度，冇可能每次都100%保證可以凍結到佢。我哋知道凍結奧巴美揚嘅難度好高，所以要努力去做好，以往我哋成功做到，依家就要繼續Keep住，講真奧巴美揚冇任何明顯嘅弱點，或者佢嘅時裝品味係唯一弱點。」

立即參加「賞您睇」：https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。