3大新兵亮相！拜仁火力全開有幾恐怖？

周日(25號)德甲第2輪賽事，拜仁慕尼黑3名新兵全部亮相，法國後防盧卡斯靴南迪斯正選上陣，巴西中場菲臘比古天奴同克羅地亞翼鋒比列錫就後備上陣，不過今場主角就繼續係王牌前鋒羅拔利雲度夫斯基，拜仁靠「羅拔仔」大演帽子戲法，作客3比0大炒史浩克04，打開今季勝利之門。

羅拔利雲度夫斯基係自2005年荷蘭前鋒馬卡爾後，首位喺德甲開咧頭2場都入至少2球嘅球員，「羅拔仔」目前包辦晒拜仁開季5個入波，狀態勁到得人驚。菲臘比古天奴賽後表示：「我只係加盟咗幾日，我對今次首演好滿意，拜仁好強大，未來有無限可能性。羅拔利雲度夫斯基係神奇球員，呢3個入波係佢應得嘅。」

立即參加「賞您睇」：https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。