AC新帥首演即食蛋　馬甸尼睇到呆

意甲剛剛開鑼，AC米蘭新帥甘柏路領軍第一擊就尷尬而回，全場０射正，唯一入球在72分鐘出現，由對手烏甸尼斯的巴西後衛洛迪高貝卡奧，接應角球頂入奠定勝局，原本AC在81分鐘有扳平機會，對方有犯手球之嫌，但球證翻睇VAR之後，未有判罰12碼，搞到AC新主帥首仗就要吞蛋輸波，球迷更加失望。

AC上季在意甲排第五，球會諗住甘柏路可以重整球隊，甚至帶返球隊重返歐聯。今日AC首演吸引各界注視，球隊總監兼昔日超級英雄馬甸尼當然要昅到實，不過，他睇住呢場悶戰睇到發呆，最後仲要輸埋波，木無表情。

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。