玩咁大?史浩克輸波報警求助

20190828
東網電視
更多新聞短片
(Getty Images)
德甲史浩克04上輪聯賽主場慘吞拜仁慕尼黑3蛋,不過喺比賽途中先後出現兩個問題球,拜仁球員兩次喺自己禁區內犯手球,點知主球證都唔吹,然後仲要VAR球證都冇反應,結果3日之後,有史浩克球迷唔順氣,決定報警求助,認真搞笑呀!
話說第一個問題球出現喺55分鐘,當時史浩克有角球,中堅拿斯達錫喺遠柱頭槌攻門,點知畀擰轉身跳起嘅拜仁守將班捷文柏華特張開嘅左手拍走個波。賽後,史浩克教練華拿就話:「個波飛向龍門,佢隻手臂就張開90度,我唔係話佢有心,但佢個動作係明顯擴大咗防守區域。」
至於另一球出現喺63分鐘,史浩克中場卡利古尼主射罰球,個波飛向龍門,但拜仁排喺禁區內嘅人牆最左邊嘅比列錫,就用左手將個波擋出底線,呢球亦係明顯犯規,可惜球賽又係睇唔到。
查實當時史浩克輸緊2粒,如果兩個12碼都有判法,結局隨時改寫。史浩克球迷最終唔順氣都好正常,不過決定報警真係估佢唔到。據知史浩克球迷係以主球證同VAR球證涉嫌欺詐去提告,而當地警方已經開始展開調查咁話添!
立即參加「賞您睇」: https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。