【有片】賓特拿放監即癲　影女差啲露點

丹麥球王賓特拿出晒名行為瘋癲，上年底更因為打的士司機而被判監，估唔到放監之後仍然仲係咁神化，日前佢喺IG公開一段重口味自拍，連佢個Model女友都上半身全裸上陣，齊齊大玩小學雞遊戲，難怪網民都封佢做足球「癲」王！

賓特拿女友Philine係丹麥著名模特兒，樣靚身材正唔在講，估唔到佢同賓特拿都係「同類人」。喺最新影片入面，賓特拿就負責揸機，上身赤裸嘅Philine就左手遮胸並舉起右手，趴喺行李喼上面滑動扮超人，咁「小學雞」嘅遊戲依然玩到兩人眉飛色舞，場面極度狂野。

效力過阿仙奴、祖雲達斯、禾夫斯堡等大球會嘅賓特拿，目前踢緊挪超班霸洛辛堡，前季(2017年)更勇奪挪超金靴獎，不過自從坐完監之後就失寵，今季5場聯賽上陣仲未入過波。

立即參加「賞您睇」：https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。