歐洲最佳感言 VVD:我偶像係朗拿甸奴

20190830
東網電視
更多新聞短片
(法新社圖片)
唔止足球睇波,仲有24小時滾動賠率,即時體驗:https://bit.ly/2UmNL0L 
利物浦荷蘭中堅華基爾雲迪積克(VVD)這一晚登上生涯頂峰,當選歐洲最佳球員,28歲嘅佢得獎後滿懷感慨,包括多謝利物浦隊友,又回想自己一直以來遇過嘅挫折,最離奇嘅係,其實佢偶像係巴西巨星「細哨」朗拿甸奴,卻陰差陽錯做咗後衞!
延伸閱讀:【心服口服 VVD多美斯近百分】
VVD得獎後表示:「首先要感謝利物浦隊友,冇佢哋就冇可能有咁嘅成就,我已經唔係18歲,一路至今遇過好多困難同波折,並非一步登天,而係逐步努力嘅結果。」
佢突然講到朗拿甸奴:「其實我係睇朗拿甸奴長大嘅,佢一直係我偶像,佢喺比賽中嘅技術出神入化,賞心悅目,睇佢踢波係一種享受。」但VVD卻成為歐洲甚至世界上最頂級中堅。
延伸閱讀:【球王大合唱!「輸家」C朗美斯世紀破冰】
VVD繼續話:「這是我生命一部份,此刻我非常驕傲舉起獎座,我要多謝一路上幫過我嘅人,希望協助利物浦贏更多冠軍,創造更多紀錄。」其實VVD已一口氣創下首位後衞、首位英超球員及首位荷蘭球員當選歐洲最佳球員3大紀錄,而佢喺利物浦及荷蘭仲有大把世界,開創新時代。
立即參加「賞您睇」: https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。