曼聯走寶?強力中鋒免費簽拿玻里

20190831
東網電視
更多新聞短片
(互聯網)
曼聯今夏瘋狂清走舊將,淨係講前線,已經賣走盧卡古又借走埋阿歷斯山齊士,現時球隊只有拉舒福特同安東尼馬迪爾2名擔到大旗嘅射手。早前有傳紅魔對前熱刺射手洛蘭迪有興趣,但蘇斯克查諗過度過決定放棄斟介,最後洛蘭迪以自由身加盟拿玻里。
現年34歲嘅洛蘭迪,66次為熱刺於各項賽事上陣射入13球,雖然入波唔多,但佢身高腳長頭槌又好,當球隊打快速反擊,又或者陣地戰冇甜頭嘅時候,洛蘭迪用嚟做Plan B就最好。另外洛蘭迪上屆於歐聯表現極之出色,先於8強次回合入波淘汰曼城,4強次回合佢於半場入替,搞到阿積士後防立立亂,成為晉級決賽嘅功臣,反映呢名西班牙頭槌王仲有貨賣。
但曼聯決心打青春班,令本身極希望入魔嘅洛蘭迪最終願望落空,最終拿玻里識貨引入洛蘭迪,雙方已簽2年合約。
立即參加「賞您睇」: https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。