曼聯下季波衫曝光　執祖記唔要設計？

雖然新季先啱啱開始，但已經有下季波衫設計流出，曼聯將變身斑馬兵團！據英國《太陽報》報道，紅魔鬼下季其中一件作客球衣，將採用黑白為主色，中間部份一條直間分開波衫2邊，望落去成件祖雲達斯波衫咁款！有傳呢個設計，本身就係「三間牌」造畀祖記嘅今季主場波衫款式，但祖雲達斯就拒絕使用，唔通今次曼聯係要執祖雲達斯二攤？

睇番呢張波衫流出圖，新季曼聯作客球衣會以白色做主色，球隊會徽同波衫贊助商標誌都用上黑色，而中間嘅一條黑白間，堅有祖記味道。《太陽報》問過曼聯會方同「三間牌」，兩者都拒絕評論呢件球衣，但就好肯定咁講，呢個絕非祖記曾經拒用嘅款式。

1978/79球季，曼聯曾着上類似款式嘅作客波衫，但最終只排第9。

立即參加「賞您睇」：https://tinyurl.com/yxa3a8z8　

Click下面粒掣，儲on.cc coins！機票、家電、超市禮券、過萬份獎品等緊你。

相關新