荷甲頒獎禮　騎住法蘭基迪莊攞MVP有佢

前晚係上季荷甲聯賽嘅年度頒獎禮，其中最受關注自然係年度MVP大獎，結果依家效力祖雲達斯嘅馬菲斯迪歷特力壓佢前阿積士隊友法蘭基迪莊攞到金鞋獎，而法蘭基迪莊就攞銀鞋獎，銅鞋獎由另一位阿積士球員杜辛泰迪治取得。

查實呢個獎項係由荷蘭權威媒體《電訊報》喺每輪荷甲聯賽賽後嘅球員評分累積去計算，迪歷特上季係阿積士隊長兼中堅，領軍贏得荷甲同荷蘭盃，呢個人氣新星尋晚仲帶住女友出席頒獎禮，並喺荷蘭名將雲達華治手上接過獎項。此外，荷蘭名將洛賓同尹佩斯就齊齊獲得紀念獎，由名帥尹戈爾頒獎。

立即參加「賞您睇」： https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。