攬炒啦！PSG主席要同尼馬玩到盡

巴西球星尼馬想逃離法甲巴黎聖日耳門，逃亡去西甲巴塞隆拿一事，最終未能成功，呢位「新比利」嚟緊至少半季都仲要留喺法甲搵食，有傳尼馬事後慘到匿喺屋企喊，不過係咪堅就冇人知。更加挑釁性嘅係，尼馬近日重返巴西隊，喺練波期間展現難得笑容，佢仲要事後拎張相擺上網，寫住「幸福」喎，即係明寸PSG啦！

對於尼馬公然向PSG示威，據聞身為PSG主席嘅艾卡理化極度不滿，甚至已經準備好攬炒計劃。根據《每日體育報》所講，艾卡理化打算報復性將強逼佢留隊三年，直到合約到2022年夏天結束。始終3年之後，尼馬都成30歲人，如果呢幾年唔多出佢，到時莫講話巴塞仲肯唔肯接手，到時仲有咩球隊要佢都難講呀！

立即參加「賞您睇」： https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。