世盃外　陳俊樂︰我哋要打出自己水準先得

香港隊周四（5日）晚出戰「2022世盃亞洲區外圍賽第二圈」首場C組分組賽賽事，作客只能與柬埔寨打成1比1平手。為港隊先開紀錄的陳俊樂，賽後坦承球隊整體表現未如理想︰「其實一開始都諗住咁快打開紀錄場波會好踢啲，但係之後把握唔到機會拉開比數，感覺畀人主導番，反映呢場波我哋踢得唔係咁好，可能頭20分鐘做到要求，好多逼搶又做到進攻，但係之後一路去到尾段都唔係踢得咁好。」

對於港隊下場分組賽，將於下周二（10日）晚在香港大球場迎戰實力比柬埔寨更強的伊朗，「樂仔」則期望球隊能夠踢出應有水準︰「希望盡快恢復，我覺得我哋要打出自己嘅水準，上次對中華台北同今次對柬埔寨都踢得唔好，比平時水準差，我哋一定要踢番好啲，尤其下場對手更加強，好彩嘅係我哋喺主場，希望喺球迷嘅打氣下，加上主場優勢，可以踢場好波畀大家睇。」