12碼都唔入　福仔仲話要入波多過卡尼

英格蘭將於周六(7日)深夜12點歐國盃外圍賽主場對保加利亞，預料領隊修夫基將會擺大個頭，派出哈利卡尼、拉舒福特、史達寧攻堅，近期腳風唔順嘅拉舒福特竟然揚言要同卡尼鬥入波多。

拉舒福特話：「卡尼係我合作過嘅最佳射手，我一直以佢為目標，如果佢入6球，我都想入6球，如果佢入7球，我就想入8球，保持呢種想法非常重要，可以令自己進步，對球隊都係好事。」

不過，拉舒福特近期狀態麻麻，除咗首場英超對車路士梅開二度之外，近3場英超都冇波入，對水晶宮一役，更加射失12碼，成為輸波罪人，睇怕佢今場想入波多過哈利卡尼，都好難。

立即參加「賞您睇」：https://tinyurl.com/yxa3a8z8　

Click下面粒掣，儲on.cc coins！機票、家電、超市禮券、過萬份獎品等緊你。