廠迷望賣走毒瘤　奧巴美揚表態畀Like！

阿仙奴本季表現唔錯，多名球員演出都好對辦，一條中場線古安杜斯、丹尼施巴路斯、祖爾韋洛克都交足功課，但有個球星就不進反退，講緊嘅係格列沙加。呢名瑞士國腳剛啱鬥熱刺一戰中兩度犯錯，其中一腳剷低孫興民輸12碼更加離譜。賽後廠迷於網上出Post，希望愛隊1月將佢賣走，奧巴美揚竟然現身畀Like，睇嚟佢都贊成同毒瘤講拜拜喎！

格列沙加加盟以來毫無代表作，長處係於中場做吓分波，但攻守水準極為平庸，對熱刺一仗更幾乎累到球隊1分都冇，賽後名宿基昂都話，沙加好快就會失去正選。阿仙奴電視係廠迷組織，之前周時鬧雲格嘅「暴龍哥」就係中堅份子，早前佢哋插爆沙加表現唔掂，希望球會1月將佢清走，估唔到奧巴美揚都公開表態撳Like，好快廠迷就High爆，話連沙加隊友、球會首席射手都唔想再見到沙加。

立即參加「賞您睇」： https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。