香港隊　初嘗大港腳滋味「羅梓」：多謝球迷

傑志後衞羅梓駿上場作客柬埔寨賽前因感身體不適，而無緣第一次代表香港隊上陣。今場對伊朗終於初嘗「大港腳」滋味，他坦言賽前感少許緊張，但直至踏入球場一刻聽到全場球迷的打氣聲後便感信心大增：「今場氣氛好好，聽到球迷嘅歡呼聲就知道要踢番場好波畀佢哋睇，如果之後場場都係咁，相信球員表現一定更好。」

今場「羅梓」出任不熟悉的左翼衞位置，他指賽前主帥麥柏倫給予指令要先做好防守，待有機會才上前進攻。7月傑志對曼城一仗「羅梓」曾射入一球，而今場港隊亦曾有兩個黃金機會落在他腳下，惜這名初生之犢均未能把握，為此大感可惜：「嗰兩個機會同曼城入嗰球有啲似，但今次唔同嘅係高波，可惜把握唔到，唯有返去練吓埋門先。」雖然入唔到波，但「羅梓」揚言今場首次代表港隊上陣的深刻程度，比起「傑曼戰」有過之而無不及。