【東體爭議】堅尼怒插馬古尼防守唔掂當!

20190911
東網電視
更多新聞短片
曼聯上月以破後衛轉會費世界紀錄8,500萬鎊簽入中堅哈利馬古尼,唔少球迷期望佢可以好似利物浦嘅華基爾雲迪積克一樣咁有影響力,令「紅魔鬼」防線脫胎換骨,不過曼聯自開鑼戰之後,近3場波都未能保持清白身,哈利馬古尼個人雖然冇乜大錯,但同球迷想佢領導防線嘅期望仍有好大落差,周三(11號)哈利馬古尼喺英格蘭國家隊嘅嚴重「蝦碌」,更加引起球迷質疑,有網民更直指佢係「菲爾鍾斯2.0」、「貴價版菲爾鍾斯」,話佢防守嗰陣勁騰雞。
唔止球迷怒插,曼聯傳奇球星堅尼日前亦公開質疑:「馬古尼暫時表現OK,大家都講緊佢用波能力有幾好,但係講到防守能力啦喎......我有1至2個問號畀佢。馬古尼嘅轉身速度一直令我好擔心,記得對水晶宮失嘅第1球,佢連幫中堅拍擋補位嘅基本工作都冇做到,佢依家已經26歲,如果仲有呢啲錯畀人捉出嚟,的確係令人擔心。」
立即參加「賞您睇」:https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。