戴巴拿後悔了！曼聯1月搞掂佢

祖雲達斯前鋒保羅戴巴拿今夏曾經「無限接近」加盟曼聯，但有傳呢位25歲阿根廷國腳「嫌棄」紅魔鬼，而且要求多多，包括想獲得35萬鎊周薪，結果傾唔掂數。

不過現時情況有變，沙利今季成為祖雲達斯教練後，保羅戴巴拿上陣時間更加少，開咧之後2場聯賽，加埋只係上陣14分鐘，明顯已經唔屬於沙利嘅計劃藍圖之內，相信保羅戴巴拿依家應該好後悔當時冇離隊，焗住要等明年1月「跳船」走人。

根據意大利《都靈體育報》爆料，曼聯仍然對保羅戴巴拿念念不忘，準備明年1月轉會市場重開之後，再次出手收購佢。預料保羅戴巴拿為咗爭取更多上陣機會，應該會收少啲人工，只要曼聯出到啱心水轉會費，祖雲達斯亦唔介意賣走1位後備球員。

立即參加「賞您睇」：https://tinyurl.com/yxa3a8z8　

Click下面粒掣，儲on.cc coins！機票、家電、超市禮券、過萬份獎品等緊你。