畀心機!傑志女將鍾貝琪外流蘇格蘭

20190914
東網電視
更多新聞短片
(黃雋謙攝)
港女勁呀!傑志周六(14日)公布後衞球員鍾貝琪「阿K」,將外流蘇格蘭加盟女子超級聯賽2球會基爾馬諾克,成為繼張煒琪、秦正行、劉蕊澄等球員後,新一位踏足外國的香港女足球員。
鍾貝琪表示,周一(16日)將前往蘇格蘭進行工作假期,會以「半工半踢」形式效力當地女子足球的次級聯賽球會基爾馬諾克。「阿K」透露球會現時正為她辦理球員註冊,一旦完成便有機會正式加盟。她講解尋找該球會的經過:「上年踢史雲斯嘅秦正行今年就去咗呢隊波踢,佢幫我問教練我有冇機會喺嗰度踢,教練話冇問題,依家就等緊註冊。」
「阿K」補充謂基爾馬諾克屬業餘球會,當地球員與香港女子足球員同屬業餘性質,但她認為外流對自己的職業生涯,以及香港女子足球都是有利的:「去嗰度見識外面嘅世界,感覺上女足外地足球比香港水平係好啲。」近年有不少香港女將都曾成功外流,惟一旦外流便有很大機會落選香港隊名單,阿K坦言並不擔心:「越多香港球員去外地踢波梗係好事,我相信教練、隊友同球會都一定會支持。因為始終留喺香港踢波,可能會因為做嘢同年紀問題,令到想踢都變得冇得踢。」
21歲的「阿K」出身自車路士足球學校(香港),2017年加盟傑志後便成為主力,上季協助「藍鳥」在「賽馬會女子聯賽足總盃」決賽以1比0力克女足強隊公民奪冠。國際賽方面,鍾貝琪2017年開始代表香港隊,曾在今年3月1比1賽和中華台北一仗中擔任正選,並隨隊前往烏茲別克參加「2020奧運女子足球外圍賽」第二圈賽事。「阿K」今年曾獲英國球會布力般流浪和史篤城邀請試腳,惟沒有成事,但最終成功獲得蘇格蘭球會基爾馬諾克的賞識,邀請其加盟。