英超一哥威盡　利物浦紀錄連環破

利物浦今輪鬥紐卡素，雖然早早先失1球，但之後靠沙迪奧文尼梅開二度，以及穆罕默德沙拿入靚波奠定3:1勝局，開季5戰5勝，今輪肯定繼續做英超1哥。今場係紅軍跨季連續第14場英超勝仗，除創球隊英超時代最長贏波紀錄外，仲成為英超首支連贏14場、並且入多過1球嘅球隊。

利物浦自今年3月中砌低般尼後，於英超遇神殺神，上季取得9連勝成英超最強亞軍後，今季再接再勵，新季頭5場贏晒，成紅軍於英超史上最佳成績。另外呢14場，利物浦場場唔只入1球，睇到紅軍勁有娛樂性。

文尼今仗梅開二度成贏波功臣，原來佢本人亦創下紀錄。今戰係佢自2016年加盟後第50場英超聯賽，原來佢1場都未輸過，成為英超史上首個為同一球會於聯賽上陣50場而不敗嘅球員。

立即參加「賞您睇」： https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。