文尼剖白堅嬲沙拿　利物浦內訌大結局

利物浦「埃及文明」鋒線，對紅軍重要性唔使多講，今季能否打破宿命首 捧英超冠軍，佢哋3個發揮發揮成點好關鍵。前一輪聯賽對般尼，沙迪奧文尼完場前被調出大發脾氣，今輪贏完紐卡素後，文尼間接承認堅嬲穆罕默德沙拿，但二人已經面對面講清楚件事，雙方已經大和解，同以前一樣咁好朋友。

鬥般尼一戰沙拿見到文尼走空晒，依然要自己一扭三夾硬起腳射門，搞到文尼嬲到震，被調出後更向教練大發老脾，塊面黑過鑊撈。件事引起軒然大波，沙拿係咪「自私」亦引起球壇熱烈討論。

被問到依家同沙拿關係如何，文尼表示：「我同佢？已經冇晒事啦。呢啲事情於足球比賽中係會發生，有時候真係需要面對面去講清楚，因為我都唔係凡事就咁算數嘅人。但我哋已經重歸於好，而且關係變番以前一樣，係好好嘅朋友。」

立即參加「賞您睇」： https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。