VVD係先知?沙拿未入波已經慶祝!

20190917
東網電視
更多新聞短片
利物浦喺英超開季5戰全勝,表現出超晒班嘅冠軍氣勢,上場對紐卡素先落後之下輕鬆反勝3比1,一眾球星顯示出無比自信,中堅華基爾雲迪積克(VVD)喺穆罕默德沙拿射入第3球前,被發現喺沙拿未起腳前已經舉定手慶祝,信心滿到爆棚。
穆罕默德沙拿貴為世界最佳前鋒之一,射術當然唔使懷疑,當佢接應羅拔圖法明奴妙傳後走空,但其實仲有大把嘢要做,但VVD就已經舉高雙手慶祝緊,而穆罕默德沙拿又不負所望射破紐卡素大門。
更加有趣嘅係,其實VVD已經唔係第1次「未入波、先慶祝」,早前3比1贏阿仙奴一仗,沙拿單騎突破殺入禁區未入波前,VVD已經舉手慶祝;上季歐聯對波圖沙拿入波,沙拿單刀未起腳前VVD又喺中圈舉手自High緊,可見VVD對沙拿有100%信心。
立即參加「賞您睇」:https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。