CNM都唔踢得！PSG玩讓賽咩

周四(19日)凌晨歐聯將上演重頭戲，巴黎聖日耳門(PSG)主場對皇家馬德里，PSG非常大鑊，球會已經宣布，兩位射手卡雲尼、基利安麥巴比因傷缺陣，而尼馬則停賽，換言之整條「CNM」豪華鋒線完全消失。

早前一度有消息指卡雲尼、基利安麥巴比可以復操，趕及復出，但會方依家將兩人列為傷兵，無法出戰。

至於上場法甲射入倒掛金勾嘅尼馬，因為上屆歐聯批評球證，被罰停賽2場，今屆首2場分組賽都唔使預佢。

巴黎聖日耳門缺少「CNM」鋒線之下，今季由國米來投嘅阿根廷射手莫路伊卡迪，將會擔大旗。PSG喺前屆歐聯16強被皇馬雙殺，睇怕今場都凶多吉少。

立即參加「賞您睇」：https://tinyurl.com/yxa3a8z8　

Click下面粒掣，儲on.cc coins！機票、家電、超市禮券、過萬份獎品等緊你。