安察洛堤喪抽水　令高普啞口無言

拿玻里喺歐聯主場以2:0擊敗利物浦之後，教練安察洛堤不忘「安慰」對方主帥高普，話利物浦上屆歐聯分組賽都係作客輸畀拿玻里，但最後捧盃，所以紅軍應該為輸波感到開心。

安察洛堤話：「比賽之後我同高普講，叫佢唔使擔心，因為佢哋上次喺呢度輸波，但都奪得冠軍。」高普聽完肥安咁講之後，都唔知點樣回應。

不過，安察洛堤又唔好太招積，因為拿玻里雖然上屆歐聯分組賽主場以1:0擊敗利物浦，但最後1場卻作客以同樣比數輸番畀紅軍，仲畀對手搶走埋出線資格，所以安察洛堤最好都係求神拜佛，唔好歷史重演。

立即參加「賞您睇」：https://tinyurl.com/yxa3a8z8　

Click下面粒掣，儲on.cc coins！機票、家電、超市禮券、過萬份獎品等緊你。