PSG球迷反尼馬行動升級　好彩佢停賽

周四(19日)凌晨歐聯，巴黎聖日耳門(PSG)主場對皇家馬德里前，PSG未贏波都要開香檳慶祝，就係尼馬坐波監唔出得！

點解呢？因為呢位巴西大帝如果出得，隨時畀人噓到反艇，主場都變咗作客一樣，你話死唔死吖？！

聖日耳門開心唔係冇道理，事關呢幾日反尼馬嘅行動升級，一批憎到佢無法用文字形容嘅PSG球迷，喺聖日耳門主場外嘅馬路地面寫晒大字，包括比較文雅嘅「尼馬Out」，同埋譯得比較文雅嘅「尼馬係婊子生嘅」，連佢母親大人都話埋，尼馬假如有得出場，攞親波九成畀人噓爆，到時PSG等於10個打人11個，真係衰過作客都未定。

立即參加「賞您睇」：https://tinyurl.com/yxa3a8z8　

Click下面粒掣，儲on.cc coins！機票、家電、超市禮券、過萬份獎品等緊你。