超衰樣寸高圖爾斯！拿華斯乜仇都報晒

歐聯巴黎聖日耳門讓足車馬炮，最後都於主場大數皇馬3:0，其中倒戈出戰嘅基羅拿華斯堅係乜仇都報晒。呢名哥斯達黎加門將今戰力保清白之身，相反舊球會皇馬嘅正選門將、搶去其位置嘅泰拔高圖爾斯就失3球，用行動證明「銀河艦隊」放走佢係有幾咁錯。完場後鏡頭仲影到拿華斯向高圖爾斯單眼，相信後者會激到成晚瞓唔着。

拿華斯係皇馬歐聯3連霸嘅功臣，表現有目共睹，但球會就梗係覺得佢星味唔夠，不斷希望引入大牌門將嚟取代佢。上季高圖爾斯空降巴拿貝，即刻搶走拿華斯個正選位，到施丹回歸皇馬後以為有所改變，但施丹最後都宣布高圖爾斯係皇馬1號門將。

高圖爾斯自加盟皇馬後時有甩漏，唔少球評家同球迷都唔明皇馬點解唔用拿華斯，但最後拿華斯被迫走轉投PSG，今次咁快可幫新東家手刃舊會，拿華斯堅係一吐烏氣。

立即參加「賞您睇」：https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。