曼聯「扑錘」危危乎　入球希望唔出得！

曼聯今輪英超將作客韋斯咸，極欲爭取3連勝，但球隊陣容不整，除保羅普巴、安東尼馬迪爾、丹尼爾占士均有傷上陣成疑外，最大鑊係前鋒新星格連活特，竟然冇隨隊去倫敦，換句話講今仗肯定唔會落場。

曼聯傷兵眾多，左閘勞基梳爾、中場艾歷拜利肯定缺陣，星級猛將普巴同射手馬迪爾依然負傷，極大機會未能上陣，而今夏加盟嘅威爾斯國腳丹尼爾占士，於鬥李斯特城一戰受傷，今仗落場機會只係50、50。

一眾攻擊大將都上陣成疑，剛於歐霸盃一戰定江山嘅前鋒小將格連活特，之前冇透露過佢受傷，但今仗大軍名單入面卻冇咗佢個名，對曼聯造成極大打擊。王牌射手拉舒福特早前連對艾斯坦拿都入唔到波，全靠格連活特建功曼聯先避過歐霸失分命運，若福仔今次鬥「錘仔幫」都失靈，紅魔都靠唔到邊個入波。

立即參加「賞您睇」： https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。