港超聯 又愛回家?林學曦跟番「立立」

20190923
東網電視
更多新聞短片
(黃雋謙攝)
由東方龍獅外借至標準流浪至球季結束的前鋒球員林學曦,周一(23日)早上出席流浪操練,「學曦」事後表示,希望藉今次外借能在母會流浪重新證明自己。
林學曦在流浪出道,效力期間奪得過2屆足球明星選舉「最佳年青球員」獎項,出色表現令他獲印尼球會佩斯查賞識並外借半季。回流後輾轉間加盟南華及東方龍獅,惟這幾年因隊內位置競爭激烈,而沒有獲得太多出場機會。
今次能以外借形式重投母會流浪,「學曦」坦言希望重新證明自己:「呢幾年浮浮沉沉,喺大球會上陣機會少,冇咩機會去證明,惟有返番嚟多啲機會出場,做番好啲,首先係希望幫到球隊護級。」他指,事前是自己主動聯絡流浪行政總裁李輝立(Philip),詢問可否重返流浪,他十分感謝Philip很快便答應請求。
至於標準流浪行政總裁李輝立稱,對林學曦主動聯絡流浪尋求上陣機會感相當欣慰:「佢見球隊成績唔好就返嚟搵我,佢搵得我就顯示佢好想有機會踢。好似佢、基藍馬、杜馬思咁,見個球會成績欠佳就主動叫返嚟想幫母會手,係搞波咁耐以嚟叫做有啲欣慰囉。」他亦很感謝友會東方龍獅的支持,能慷慨借出「學曦」助流浪改善現況:「總之感謝東方老闆支持,堅Sir(東方主教練李志堅)又咁有量度,見『學曦』有心想返番流浪,好快就放人。」Philip透露,林學曦最快會在周六(28日)對香港飛馬的聯賽賽事中上陣,而周二(24日)的菁英盃賽事,因外借條款限制他將會避席。