【有片】蒙眼盤球+射門！辛祖係人類嗎？

多蒙特翼鋒查頓辛祖近年迅速冒起，成為球壇炙手可熱嘅新星，盛傳曼聯想用1億鎊收購佢。

呢位19歲英格蘭國腳球技已經到達化境，即使蒙住雙眼，都可以盤球扭過訓練用嘅「雪糕筒」，再射入細龍門，真係神乎其技。

查頓辛祖盤扭技術出眾，往往以個人技術，突破對手防線，為隊友創造入波機會，佢早前拍片展示，盤扭技術有幾犀利，竟然蒙住雙眼，盤球扭過一排「雪糕筒」，盤球速度同一般訓練一樣，而且冇撞跌任何「雪糕筒」。最後更加起腳，射入一個細龍門，似乎想話「讓你雙眼」都冇問題。

不過，有網民就疑質查頓辛祖蒙眼用嘅黑布，其實好薄，應該睇到嘢，亦有人認為查頓辛祖平時呢種訓練已經做過無數次，即使閉上雙眼，都可以做到，並唔出奇，至於真相係點，應該只有佢先至知。

立即參加「賞您睇」：https://tinyurl.com/yxa3a8z8　

Click下面粒掣，儲on.cc coins！機票、家電、超市禮券、過萬份獎品等緊你。