【有片】「籃板式」神救！皇馬交畀櫻木

艾路拿「籃板式」救波：https://bit.ly/2nIkLpz　

皇家馬德里喺西甲快車主場2比0贏奧沙辛拿，罕有連續第2場保持零失球，不過呢場波為皇馬把關嘅，係由巴黎聖日耳門來投嘅艾路拿。今場波艾路拿受嘅考驗唔算多，不過其中一球「籃板式」救波就相當精彩！當時奧沙辛拿球員遠程炮偷襲，身高1米95嘅艾路拿就向後跳起，舉高右手喺最高點單手將個波「擒」落嚟，十足十籃球員搶籃板一樣，睇到球迷拍爛手掌。

艾路拿賽後亦有提到呢次撲救，原來真係同籃球有關，呢位法國國腳表示：「我自細已經好鍾意籃球，所以有時會將一啲籃球動作加入去比賽度。」艾路拿第1次為皇家馬德里披甲就有精彩表演，相信唔少球迷會認同，搵佢取代泰拔高圖爾斯會係更好選擇。

立即參加「賞您睇」：https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。