贖金曝光！曼聯3,200萬鎊即簽普捷天奴

曼聯同熱刺近期不約而同出現易帥傳聞，普捷天奴不滿熱刺未提供足夠支持，意興闌珊準備劈炮；曼聯就因為成績差勁，令蘇斯克查帥位岌岌可危，眾所周知普捷天奴一直係曼聯心儀領隊。據英國《太陽報》爆料，普捷天奴同熱刺嘅合約中，有價值3,200萬鎊嘅「贖身費」，只要曼聯同普捷天奴傾掂數，「紅魔鬼」科水就可以即刻攞人！

雖然3,200萬鎊嘅天文「轉會費」，喺領隊界入面係聞所未聞，不過曼聯依家最唔憂嘅就係錢。曼聯早喺2016年尹戈爾離隊後，已經想搵普捷天奴執教；上年摩連奴被炒後，曼聯亦先接觸普捷天奴，可惜普捷天奴堅決效忠熱刺，但隨住呢位阿根廷名帥同熱刺分歧愈嚟愈嚴重，曼聯「三顧草蘆」或者有望成功。

立即參加「賞您睇」：https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。