帶巴塞同胞蒲夜店 尼馬畀我哋抖抖啦

20190928
東網電視
更多新聞短片
(互聯網)
一向麻煩多多嘅巴西球星尼馬,日前突然現身巴塞隆拿,人人都以為佢係為咗同巴塞單忠誠獎金案,要出席法庭審訊先會嚟。不過,根據西班牙《馬卡報》爆料,尼馬最終係未有出現法庭,反而係帶咗效力巴塞嘅巴西同胞艾法美路同班老友一齊夜蒲,認真離譜呀!
尼馬單官司,經日前審訊後仲未有定案,要到10月21日先有結果。不過,尼馬冇去到法庭,反而喺當晚去咗巴塞隆拿當地一間夜店,參加咗一個派對。事後,尼馬喺佢IG擺咗兩張相,其中巴塞嘅巴西中場艾法美路都喺其中。
要知道巴塞喺當地時間周六晏晝就要作客基達菲,但周五晚艾法美路仲陪住尼馬夜蒲,你話死唔死?據聞唔少西班牙傳媒都已經開火鬧爆呢位巴西中場,球會高層亦有所不滿;而消息話,巴黎聖日耳門亦都未必會放過尼馬,事關PSG同樣都係今晚有波打囉!
立即參加「賞您睇」: https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。