港超聯 安基斯:我41歲但仲好好波!

20190928
東網電視
更多新聞短片
安基斯(左)完場前交出助攻,乃標準流浪贏波功臣之一。 (何彥霆攝)
上場「菁英盃」賽事,標準流浪因違反球場內必須有最少3名U22球員的規例,令球員逼和東方龍獅的努力付諸流水。周六(28日)聯賽作客大球場重新出發,流浪再次將士用命,以2比1擊敗主隊香港飛馬。老將安基斯是役功不可沒,在尾段交出助攻,助球隊取得今季第一Win。
今年已41歲的標準流浪鋒將安基斯(Chris),下半場以後備身份入替鄧樂文,當時流浪被飛馬「撳住砌」,更在84分鐘失守,被黃俊皓追和1比1。安基斯一直在邊路策動反擊,不斷侵襲飛馬防線,終於在86分鐘得到回報。他力壓對方後衞傳中讓巴辛射入,助流浪最終以2比1力挫對手,打開今季勝利之門。
賽後,安基斯坦言感覺美妙:「當所有人都睇低我哋,但我哋只專注咁做好自己,之後再做番好畀人睇,呢種感覺真係好正。」
流浪以孕育年青球員而聞名,而已達不惑之年的安基斯在陣中便顯得有點格格不入。他坦言以自己的經驗,絕對有助球隊提升成績,更以是役戰情為例作說明:「喺後備席上我觀察到對方喺球場上有咩缺點,我就針對佢哋去進攻,最後總算幫到球隊。」除了在球場上幫助球隊,Chris還時常以前輩身份帶領陣中年青球員:「香港有好多有能力嘅後生仔,但佢哋得唔到太多鼓勵。我嚟流浪就係為咗推動佢哋,陣中有好多舊年喺凱景嘅隊友,佢哋缺乏自信,我嚟咗就可以陪住佢哋、推動佢哋,同話畀佢哋知喺場上應該點做。」
或許,有很多人會在意安基斯的年齡,甚至質疑其能力,但Chris一於少理:「年齡(Age)只係三個字母,把口生喺人哋到,佢哋鍾意講咩就講咩,我只會專注踢自己嘅波。無論球場上嘅對手係18定38歲,我都係會用同一方式去應對,呢個就係我!」