你揀人人揀你　挪威天才唔肯返皇馬

西甲皇家馬德里有「銀河艦隊」外號，勝在錢多球星多，相信大部份職業球員都會想為佢哋效力。不過，今季由皇馬外借去皇家蘇斯達嘅挪威天才中場馬田奧迪加特，近日就表態話想完整履行佢喺皇蘇嗰份兩年借用合約，出年夏天唔想返巴拿貝咁話喎！

馬田奧迪加特依家先得20歲，佢今季外借去皇蘇，成個9月份踢咗4場波，佢除咗交出1入球2助攻數據外，仲有9次成功突破、194次成功傳球同5次成功傳中，最緊要係佢合共創造咗23次入球機會，係西甲同期之冠，難怪佢會獲選成為西甲9月份最佳球員。

呢個挪威天才家陣喺皇蘇得到重用，大把發揮機會，反而返去皇馬，喺班大牌巨星面前，隨時要長坐冷板，所以要返去「銀河艦隊」，佢已經話明暫時唔想囉！

立即參加「賞您睇」： https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。