【殺人王】鏟爆沙拿 李城暴徒2場傷2件

20191006
東網電視
更多新聞短片
利物浦喺英超絕殺李斯特城,呢場波非常火爆,「紅軍」王牌前鋒穆罕默德沙拿喺完場前被粗暴踢傷,當時佢引球高速推進,但李斯特城嘅咸沙袓靴里就從後殺出,監粗將佢鏟跌,結果沙拿受傷即時離場,諷刺嘅係球證只出示一面黃牌,賽後利物浦領隊高普強力譴責:「呢次攔截很超級危險,我完全唔理解,咸沙袓靴里需要冷靜,佢已經唔係第1次(粗暴攔截),佢係一非常好嘅新人,但呢啲攔截係不能接受。」
事實上,咸沙袓靴里上星期聯賽盃,已經因為粗暴犯規踢傷紐卡素翼鋒馬特列治,搞到對方要休戰2個月,當時咸沙袓靴里亦係只得1面黃牌,紐卡素領隊布魯士當時已警告:「咸沙袓靴里嘅攔截係要人唔要波,非常危險,如果馬特列治唔係及時縮腳,佢應該會抖8個月或者提早收山。咸沙袓靴里繼續咁踢,終有一日有人會畀佢踢到嚴重受傷。」
咸沙袓靴里連續2場波K.O對手2個主力,呢件殺人王將會成為所有前鋒最驚嘅對手。呢位英格蘭小將賽後受到大批利物浦球迷種族歧視,李斯特城已經報警。
立即參加「賞您睇」:https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。