【有片】法甲世界波　南韓射手「黃」仲有佢

黃義助世界波：https://bit.ly/338XCvT　

講到南韓足球依家嘅代表人物，十個有九個都會話係孫興民，不過近期南韓「雙黃」人氣急升，繼薩爾斯堡嘅黃喜燦嘅歐聯光芒四射後，效力波爾多嘅前鋒黃義助周日(6號)法甲亦有精彩表演，佢喺作客圖盧茲一仗，53分鐘禁區外用右腳腳背狂抽，轟出一記超勁嘅曲墜球直飛龍門死角，圖盧茲門將完全係零反應，賽後大批網民狂讚呢球係C朗拿度招牌射門，黃義助盡顯功架！

現年27歲嘅黃義助，上年底擊敗孫興民當選南韓足球先生，佢係南韓2018年奪得亞運男足金牌嘅功臣，季前由大阪飛腳轉戰波爾多，今季9場聯賽8次正選上陣，目前有2入波同1次助攻。南韓嚟緊2場世界盃外圍賽，黃義助同黃喜燦都有份入選，球迷拭目以待！

立即參加「賞您睇」：https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。