【特稿】驚人揭秘！拉舒福特係賓特拿級數

曼聯前鋒拉舒福特曾被譽為世界最有前途前鋒之一，不過隨住「紅魔鬼」沉淪、佢喺英格蘭國家隊亦正選不保，各界對於「福仔」嘅質疑亦愈嚟愈多。喺摩連奴時代佢頻頻以翼鋒身份上陣，拉舒福特就自覺前鋒先係最佳位置，但今季擔正箭頭表現更加不濟，令佢處於非常尷尬嘅位置。

近日有驚人數據曝光，有網民將拉舒福特嘅英超生涯入球數字，拎去同經常被球迷恥笑嘅「中堅賓」賓特拿做比較，意外發現拉舒福特嘅入球率比Lord更低！拉舒福特喺曼聯出道以來入過48球，只係比賓特拿阿仙奴生涯多1球，但「福仔」用咗180場比賽，而賓特拿只係踢過171場，意味拉舒福特場均入球(0.266球)比賓特拿(0.275球)更差！唔好忘記，拉舒福特有3球係嚟自12碼，賓特拿就全部都係運動戰入面攻入。

立即參加「賞您睇」：https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。