【有圖】簡東拿全裸演出　仲搞人老母

曼聯名宿簡東拿1997掛靴之後，醉心於演藝事業，近期佢喺法國電視劇《Le Voyageur》更加有大膽演出，包括喺樹林全裸出鏡，挑戰螢幕尺度極限。

53歲嘅簡東拿喺劇中，飾演1位脾氣古怪嘅警察Thomas Bareski，負責追捕1位連環殺手，佢嘅角色似足占士邦，身手非凡，而且使用強大火力嘅先進武器。

不過，最精彩一幕反而係「簡大帝」原始一面，佢全身赤裸穿越森林逃生，雖然只係背面示人，但整個「八月十五」被觀眾一覽無遺。

除咗呢幕豔光四射之外，簡東拿喺劇中亦不乏床戰演出，包括佢尋找1位失蹤少女過程之中，同少女嘅媽媽有感情線，最後當然唔少得上床。簡東拿今次真係搏到盡，不惜犧牲色相，希望佢年底有獎攞啦。

立即參加「賞您睇」：https://tinyurl.com/yxa3a8z8　

Click下面粒掣，儲on.cc coins！機票、家電、超市禮券、過萬份獎品等緊你。