終於畀佢等到！莫天才勢回歸英超

前曼聯領隊、有「莫天才」之稱嘅莫耶斯，好大機會回歸英超，再次執掌愛華頓！今夏愛華頓使咗超過1億鎊買人，諗住喺聯賽大展拳腳，但勢估唔到依家排緊尾3，領隊馬高施華好大機會落鑊。莫耶斯曾經帶領愛華頓11年，成功到畀費格遜賞識引荐到曼聯，據英媒報道佢極希望再教「拖肥糖」。

愛華頓本季演出令人非常失望，開季2勝1和5負，依家身處降班區域，馬高施華相信好快被炒。莫耶斯02年至13年帶領愛華頓踢出極具效率嘅實務足球，相信唔少拖肥迷都好掛住佢。莫耶斯於18年夏天被韋斯咸炒魷後一直未有工開，依家以3.25倍成為愛華頓下任領隊大熱，好大機會「愛回家」。

立即參加「賞您睇」：https://tinyurl.com/yxa3a8z8　

Click下面粒掣，儲on.cc coins！機票、家電、超市禮券、過萬份獎品等緊你。