【有片】尼馬又受傷嬲到喊 今次抖幾耐?

20191014
東網電視
更多新聞短片
巴西周日(13號)喺熱身賽1比1逼和尼日利亞,賽果其實完全唔重要,事關巴西王牌球星尼馬再成焦點,佢今場只係踢咗12分鐘,就因為左腳大腿拉傷被逼提早退下火線,離場後更加坐喺後備席流淚,不忿自己又一次被傷患折磨。
延伸閱讀:【傷患數據勁恐怖 尼馬仲有人敢要?】
據巴西傳媒報道,尼馬今次大腿受傷未知有幾嚴重,不過一般大腿傷患休養期為數個星期,巴黎聖日耳門真係瀨晒嘢!
延伸閱讀:【黑仔王】阿歷斯山齊士足踝甩臼長抖!
巴西領隊迪迪賽後第一時間卸膊:「尼馬賽前係完全冇問題,我從來唔會派有受傷風險嘅球員落場,如果我要尼馬帶傷上陣,肯定會收到巴黎聖日耳門會長同教練嘅投訴!」尼馬喺今年6月為巴西踢熱身賽亦受重傷,搞到緣盡美洲國家盃,去到上個月先至復出,估唔到踢咗1個月又係踢「太公波」出事。
立即參加「賞您睇」:https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。