巴塞物色阿蘇接班人　福仔定法明奴？

唔止足球睇波，仲有24小時滾動賠率，即時體驗：https://bit.ly/2UmNL0L　

拉舒福特日前為英格蘭射入靚波，隨即引起廣泛討論，認為佢其實唔係咁差，只係曼聯唔識用佢，《ESPN》評論指，巴塞隆拿正物色蘇亞雷斯接班人，拉舒福特同利物浦嘅羅拔圖法明奴成為候選人，其中仲係福仔機會較大添。

報道指，巴塞為32歲嘅哨牙蘇搵接班人，幾位球員正受觀察，包括基利安麥巴比、哈利卡尼、羅拔圖法明奴同拉舒福特。其中麥巴比太多球會爭奪，而佢本人意願係去皇馬；哈利卡尼嘅轉會費同人工所費不菲，因此餘下法明奴同福仔較有機會。

法明奴年屆28歲，相比之下22歲嘅福仔更值得投資，雖然佢同曼聯簽約到2023年，但曼聯內部動蕩，巴塞要搶人唔係咁難。

立即參加「賞您睇」： https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。