艾利臣沙拿好番晒！要炒曼聯幾球先

利物浦將於周日(20日)晚英超作客曼聯，利記只要贏埋今場，就可以取得英超跨季18連勝，追平曼城嘅紀錄。利物浦仲收到好消息，門將艾利臣比加同前鋒穆罕默德沙拿已經傷愈，可以上陣搏殺，大大提升贏波機會。

艾利臣比加上季囊括英超、歐聯及美洲國家盃金手套獎，被封為當今球壇首席門神，但自今季首場英超對諾域治一役，小腿肌肉受傷後，一直缺陣至今。

幸好紅軍表現仍然出色，8場聯賽取得全勝，依家有埋艾利臣比加把守最後一關，利物浦更加冇後顧之憂。

至於穆罕默德沙拿喺上場英超對李斯特城時受傷，好彩有個國際賽檔期畀佢休息，依家已經冇大礙，可以出戰曼聯。利物浦一攻一守猛將都踢得，球隊處於今季最佳陣容時刻，睇嚟攞呢3分應該冇甩拖。

立即參加「賞您睇」：https://tinyurl.com/yxa3a8z8　

Click下面粒掣，儲on.cc coins！機票、家電、超市禮券、過萬份獎品等緊你。