政局動盪　西班牙國家打吡依家咁安排

萬眾矚目嘅西班牙國家打吡巴塞隆拿對皇家馬德里，原定喺下周六舉行，但由於加泰羅尼亞近排因為爭取獨立運動愈嚟愈激，有多位地區領袖被捕兼被判監，西班牙足總以地區安全難以保障為理由，正式宣布將賽事改期！

據知，西班牙足總原本打算將賽事由巴塞魯營主場，改去皇馬嘅巴拿貝踢，但呢個提議遭到兩會一致拒絕。最後，三方面同意將賽事改期算數，至於新賽期足總希望係12月7日星期六打，但巴塞同皇馬就想喺12月18日周三去踢。依家足總就希望下周一前同兩會傾掂數，否則佢哋會自己揸主意邊日打喎！

立即參加「賞您睇」： https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。