想J死人咩！國米冬季簽埋伊巴謙莫域

國際米蘭今季勁玩「星戰策略」，繼簽入盧卡古同阿歷斯山齊士之後，又準備於明年1月轉會市場重開後，再添猛將，就係瑞典神鋒伊巴謙莫域。

意大利傳媒指，伊巴謙莫域將於年底同洛杉磯銀河約滿，相信佢唔會續約，並打算重返歐洲球壇，國際米蘭成為佢最佳選擇。

一方面由於A山受傷長抖，國米需要簽入射手，另一方面伊巴謙莫域曾經效力祖雲達斯、國際米蘭、AC米蘭，非常熟悉意甲比賽風格。佢2006至09年效力國米期間，協助球隊連續3季奪得意甲冠軍，國米球迷都好歡迎佢回巢。

雖然伊巴謙莫域已經38歲，但寶刀未老，佢喺今季美職常規賽，上陣29場入30球，效率極高，佢要應付意甲，仍然綽綽有餘，如果佢重返國米，話唔定可以協助國米打破祖雲達斯壟斷意甲局面。

立即參加「賞您睇」：https://tinyurl.com/yxa3a8z8　

Click下面粒掣，儲on.cc coins！機票、家電、超市禮券、過萬份獎品等緊你。