港超聯 雲美亞斯:我應該可以再踢好啲

20191019
東網電視
更多新聞短片
「阿Ben」(中)與門將陸平中,是役表現同樣出色。 (黃雋謙攝)
受反修例示威浪潮及國際賽期影響,港超聯賽場停戰逾兩星期,周六(19日)終於再同球迷見面。在香港上演的和富大埔迎戰傑志賽事,主隊「綠戰士」雖然飽受主力停賽影響,仍然憑將士用命逼和傑志,其中首度登場的澳籍新援雲美亞斯「阿Ben」,其表現十分搶鏡。
上場大埔作客東方龍獅的3個失球,都與守將失準有關,而雲美亞斯的加盟則成為大埔的及時雨。「阿Ben」初來埗到便被委以重任正選上陣,夥拍車潤秋鎮守後防。客軍傑志是役左路進攻甚具侵略性,蘇沙上半場不斷竄擾,自洛迪古斯換出後更與雲美亞斯直接交鋒,惟後者發揮穩定,與門將陸平中合力將「藍鳥」拒諸門外。雖然最終鞠盈智射入扳平一球,但大埔仍在勁旅身上搏得1分。
這名前FC悉尼U21隊長賽後表示,對自己首仗發揮感滿意:「今場大家嘅表現都好好,上半場好在入咗一球,下半場雖然失波但仍創造咗好多機會。所有事情都向正面發展,我好期待下一場比賽。」雖然曾在澳洲青年聯賽這類高水平的比賽中亮相,但他坦言港超聯的水平和套配都算不俗:「隊友都好專業,我同佢哋合作得唔錯。球場設施亦好好,驚喜在球場氣氛好熱烈,球迷嘅熱情程度拍得住澳洲,好開心見到咁多球迷嚟支持大埔。另外,比賽節奏都唔錯,見到今場對手個個球員都好強,我哋亦有質素高嘅好球員。」他又指出,自己的狀態仍未達最高水平,希望藉今場比賽提升,揚言球迷將會見到一個更高水平的「阿Ben」。
雖然只加入數周,但雲美亞斯已經與部分隊友打成一片,其中他與一位巴西球員更已經「Friend過打Band」:「我同杜度訓練嘅時候成日一齊,佢仲邀請咗我去佢到食巴西BBQ添!另外唐道碧幫到我適應呢到環境,其他隊友都好Nice。」