菁英盃 理文衞冕首擊鬥傑志
20191023
東網電視
更多新聞短片
毋需登入，立即睇直播：
「菁英盃」周三晚（23日）假旺角大球場上演A組分組賽賽事，由傑志硬撼理文。「藍鳥」今仗有中堅艾里奥復任正選，並改由唐建文出任隊長，隊中3位出任正選的U22本地球員包括巴拉克、畢頓及陳晉一，另外3位適齡小將則為于楊、鄭展龍和17歲前鋒唐曉峰。至於理文方面，球隊則改由巴西前鋒基華尼頓出任正選，而U22球員除了主力中堅余煒廉外，其餘兩個年青球員名額則由周家樂及鄧匡延兩位翼鋒擔任。雙方正選陣容如下：
傑志正選陣容：
1 王振鵬（門將）
4 李毅凱
5 艾里奧
11 蘇沙
16 林恩許
21 唐建文（隊長）
24 鞠盈智
31 羅梓駿
34 巴拉克
67 畢頓
95 陳晉一
理文正選陣容：
88 袁皓俊（門將）
2 列斯奧（隊長）
5 余煒廉
9 尼迪利
16 顏樂楓
17 周家樂
18 黃炎堃
23 鄧匡延
29 余沛康
77 沙普夫
91 基華尼頓
---------------------
今晚「菁英盃」A組於旺角大球場續演好戲，衞冕的理文首度亮相硬撼傑志。正受傷兵困擾的「藍鳥」希望給予更多年輕球員機會，分別為兩位17歲小將張廣然及唐曉峰辦理註冊手續；理文主帥陳曉明坦言今季改制後，令衞冕之路更難行，但相信球員會盡力而戰！
（on.cc東網周三晚7時直播）
藍鳥兩17歲小將有望首騷
傑志上仗在相隔逾月後再戰港超聯賽，結果於費蘭度及盧卡斯兩位主力缺陣下，與和富大埔踢成1比1，不過該役再添洛迪古斯及基爾頓兩位傷兵，幸後者與費蘭度有望趕及今仗復出。主教練施利斯高域認為，缺乏比賽對球隊有一定影響︰「上場波好不幸地又有傷兵，始終隔太耐冇正式比賽，球員係比較難去調整心態。我睇過比賽片段3次，頭20分鐘其實做得好好，但之後因為對手把握機會而受到懲罰，球員好努力製造機會，整體表現唔算出色，但亦未至於好差，依家只好向前看，準備嚟緊嘅賽事。」足球總監朱志光坦言，菁英盃分組賽改為雙循環，可給予更多年輕小將上陣機會，除原有的鄭展龍、巴拉克及陳晉一等U22球員外，亦會為張廣然及唐曉峰兩位港隊U18成員辦妥註冊手續。
陳曉明：改制後衞冕更難
上仗聯賽一球小勝標準流浪的理文，目前在聯賽榜暫居第3位，落後榜首冠忠南區1分但少踢1場，主教練陳曉明認為能為球員打下強心針︰「起碼我哋踢出嚟嘅時候，可能冇之前咁清風送爽贏波，但感覺上球員嘅跑動係唔錯，比賽末段亦有好多反擊機會。」
「曉明Sir」同時表示，上仗刻意收起U22球員之一的中堅余煒廉，以確保今仗有足夠適齡球員可供選擇，但也坦言衞冕非易事︰「希望我哋另外嗰兩位年輕球員有機會表現自己嘅時候，無論為自己定球迷好，都畀到啲新鮮感球隊。依家分組要踢雙循環，仲要5隊出得1隊，好似打緊第2個聯賽咁，個要求唔同咗，不過我哋會盡力而為，希望每樣嘢都做得好。」