【特稿】車路士英雄連線:蝙蝠俠x美國隊長

20191024
東網電視
更多新聞短片
車路士今季人才輩出,雖然今夏被禁止買人,但依家陣容仍然非常鼎盛,比利時前鋒巴舒亞伊同美國翼鋒基斯甸普列錫亦未能搶佔正選。不過,呢兩位攻擊球員近期漸獲重用,周四(24號)歐聯作客1比0擊敗阿積士,就係基斯甸普列錫助攻畀巴舒亞伊一箭定江山,而呢對拍擋可能係車仔最強攻擊組合!
巴舒亞伊同基斯甸普列錫今季上陣機會唔多,但喺僅有嘅合作時間入面,今場竟然係普列錫今季第3次助攻畀巴舒亞伊入波!之前聯賽盃對甘士比以及英超作客修咸頓,普列錫都直接助攻「阿姨」建功。咁都唔止,巴舒亞伊上年1月被外借去多蒙特,半季拎到9個入波,當中有3球又係普列錫助攻,你話係咪最佳拍擋?
巴舒亞伊(Batshuayi)個名有蝙蝠(Bat)呢個字,因而被稱為蝙蝠俠,而基斯甸普列錫更加係美國國家隊史上最年輕隊長,所以被球迷叫做「美國隊長」,車仔有呢對「英雄組合」,前途一片光明!
立即參加「賞您睇」:https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。