英超作客撚雀　曼聯6大球星缺陣！

曼聯今輪英超將作客鬥諾域治，球隊依然傷兵滿營，雖然迪基亞同安東尼馬迪爾可候命，但包括保羅普巴在內嘅6大球星，極大機會因傷避戰。普巴雖然傷勢已好得七七八八，甚至今仗有機會做後備，但狀態未操起出場機會唔大，加上杜安薛比、勞基梳爾、尼曼查馬迪、達洛治同艾歷拜利，曼聯中後場人捉襟見肘。

領隊蘇斯克查明言，普巴足踝傷勢仲未好番，對諾域治好難可以出場。雖然有消息指該名法國世界盃冠軍功臣，有機會通過最後體測可以列陣，但狀態低落之下，蘇帥未必會冒險派佢出場。

曼聯終於識作客贏波，剛於歐霸盃以1:0小勝柏迪遜，係3月7號作客擊敗巴黎聖日耳門後，12場作客賽事首次獲勝。雖然諾域治近期狀態一般，但球隊於上月中曾主場擊敗曼城，曼聯如果唔改善攻力疲弱嘅弱點，今仗要殺雀都唔易。

立即參加「賞您睇」：https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。