蝙蝠俠＋美國隊長　同車仔有咩關係？

車路士今季人才輩出，林柏特接手之後刮起青春風暴，呢班後生仔個個睇得又打得，今晚喺英超作客對住般尼，又係佢哋嘅show time喇。

上仗喺歐聯，基斯甸普列錫同巴舒亞伊嘅合作就成功擦出火花，佢哋更成為車迷心目中嘅超級英雄，巴舒亞伊個名有蝙蝠嘅英文串法，畀球迷叫佢做蝙蝠俠；而來自美國嘅基斯甸普列錫，就更加係國家隊史上最年輕嘅隊長，唔經唔覺佢今季已累積5次助攻，暫時係隊中嘅助攻王。

車仔家陣有蝙蝠俠同美國隊長呢對最佳拍檔，戰鬥力大增；加上譚美阿巴謙目前喺聯賽已經入咗8粒，同曼城嘅阿古路並列射手榜一哥，仲要加埋車仔近排作客未輸過，呢班生力軍嘅火力一定繼續爆，睇嚟般尼後防真係有排煩喇！

立即參加「賞您睇」：https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。